"Оренбург"га яна техник мағлубият ёзиладиган бўлди

Россия истеъмолчиларнинг ҳуқуқларини ҳимоя қилиш ва инсон фаровонлигини назорат қилиш федерал хизмати “Оренбург”га премьер-лиганинг 25-туридан ўрин олган “Урал”га қарши ўйинда иштирок этишга рухсат бермади.

Таъкидлаш керакки, “Оренбург”нинг 10 нафар футболчисида коронавирус аниқланди, жамоа аъзолари эса карантинга олинган. Шу боис “Урал”га қарши ўйинда уларга 3:0 ҳисобида техник мағлубият ёзилади.

Эслатиб ўтамиз, “Оренбург” бундан аввалги турда “Краснодар”га қарши ўйинда ҳам коронавирус туфайли иштирок этмаган ва 3:0 ҳисобида техник мағлубиятга учраган эди. Ҳозирда жамоа РПЛ мусобақа жадвалида сўнгги поғонани эгаллаб турибди.