Ортиқ бунга чидамайман!

Қатардаги жаҳон чемпионатида маҳоратини намойиш эта олган марокашлик Ҳаким Зиеш “Челси”даги ҳолатидан норози эканини билдирди.

Ҳужумкор футболчи мураббийлар штабининг унга етарли даражада ўйин амалиёти берилиши ҳақидаги ваъдаларидан чарчаганини ва вазиятни ўзгартириш учун Лондондан кетишга тайёрлигини уқтирмоқда.

Бош мураббий Грэм Поттер Зиешдан асосий таркибга лойиқ ўйинчи эканини исботлашни талаб қиляпти.

Марокашлик ўйинчи қишки трансферлар ойнаси ёпилиши билан бош мураббий уни захирага михлаб қўйишидан хавотирда ва январда ўзига бошқа жамоа топмоқчи.

Маълумотларга қараганда, Ҳаким Зиешнинг ўзи Италия чемпионатида ўзини кўрсата олишига ишонмоқда ва А Серия грандларидан таклиф кутяпти.