Ўрунов “Персеполис”ни тарк эта оладими? Шартнома шартлари маълум бўлди

Ўзбекистон миллий терма жамоаси  ва “Персеполис” клуби аъзоси Остон Ўруновга бир нечта жамоалар томонидан қизиқиш билдираётгани ҳақида хабарлар тарқалмоқда.

Эрон нашрларининг ёзишича, футболчига ҳатто Европанинг машҳур клуби – “Ювентус” ҳам кўз тиккан. Ўруновнинг “Персеполис” билан амалдаги шартномаси 2027 йилнинг ёзигача давом этади ва унда футболчига жамоани ўз хоҳишига кўра тарк этиш имконини берувчи ҳеч қандай банд мавжуд эмас. Бу эса вингер фақат клубнинг тўлиқ розилиги ва керакли миқдордаги трансфер тўлови амалга оширилган тақдирдагина жамоадан кетиши мумкинлигини англатади.

Маълумот учун, “Al Ain International Cup” турнирда Ўзбекистон Мисрни 2:0 ҳисобида мағлуб этди.  Ушбу учрашувда 24 ёшли футболчи дубль муаллифига айланди.