Ўруновга машҳур мураббий устозлик қилиши кутилмоқда

“Спартак”да жамоа бошқарувидан кетиши мумкин бўлган Доменико Тедеско ўрнини машҳур мураббий Леонарду Жардим эгаллаши кутилмоқда.

“Спартак” клуби раҳбарияти Тедеско жамоадан кетадиган бўлса, бош мураббий лавозимига хорижлик мутахассисни олиб келишга қарор қилган. Рўйхатга португалиялик Жардим ҳам киритилди.

Остон Ўрунов жамоаси чемпионлик учун курашда асосий рақобатчиси бўлган “Зенит”га 1:3 ҳисобида ютқазганидан сўнг, клуб раҳбарияти Тедеско билан ёзда якунланадиган шартномани узайтиримасликка қарор қилган.

Тедеско мураббийлигида Остон Ўрунов асосий таркиб футболчисига айлана олмади. Гарчи германиялик мутахассис ҳамюртимизнинг иқтидорига тан берган бўлса-да, уни баҳс охирида бир неча дақиқа ўйнатиш билан кифояланяпти  холос.

Матнда хатолик топсангиз, ўша хатони белгилаб, бизга жўнатинг (Ctrl + Enter)