Осимхендан юз ўгиришди

Туркия чемпионатида “Галатасарой” жамоаси шарафини ҳимоя қилаётган Виктор осимхен яна “топ-5” лигаларига қайтиш имкониятига эга бўлган эди. Нигериялик футболчини “Пари Сен-Жермен” ўз таркибига қўшиб олмоқчи бўлди.

Журналист Себастьян Денис маълумотига кўра, ПСЖ мутасаддилари кейинчалик бу ғоядан воз кечган. Бунинг сабаби Осимхеннинг трансфери клубга 150 миллион еврогача тушиши мумкин.

Бундан ташқари, футболчи талаб қиладиган ҳар мавсум учун 20 миллион евролик маош ҳам Париж суперклуби молиявий сиёсатига тўғри келмайди.

Учинчи сабаб сифатида машҳур ҳужумчининг ўйин услуби парижликлар бош мураббийи Луис Энрикени қониқтирмагани келтирилмоқда.

“Галатасарой” клуби Виктор Осимхенни 2025 йилнинг ёзида “Наполи”дан 75 миллион евро эвазига тўлиқ сотиб олди ва ҳужумчи билан 2029 йилнинг ярмигача давом этадиган шартнома имзолади.