"Осиё болалари-2022". Навбатдаги кун ҳам медаллар шодаси билан бошланди

Россиянинг Владивосток шаҳрида "Осиё болалари-2022" ўйинлари бўлиб ўтмоқда.

Вакилларимиз бугунги кунни анча сермаҳсул бошлади. Хусусан, енгил атлетикачиларимиз 1 та олтин ва 3 та бронза медалини қўлга киритди.

Стол тенниси бўйича Ўзбекистон вакили Шоҳруҳ Искандаров шоҳсупанинг учинчи поғонасини банд этди.

Курашчи қизларимиздан эса олтин хет-трик! Аёллар кураши бўйича ўтган беллашувларда 3 та олтин, 2 та кумуш, 1 та бронза медалларига сазовор бўлди. Қизларимиздан Шоҳиста Шоназарова, Машҳура Абдумусаева, Муҳайё Раҳимжонова барча рақибларини мағлубиятга учратиб, шоҳсупанинг энг юқори поғонасига кўтарилди.

3х3 баскетбол бўйича қизлар жамоамиз ҳам чемпионликни қўлга киритди! Финалгача бўлган йўлни муваффақиятли босиб ўтган вакилаларимиз ҳал қилувчи баҳсда ёмғирли ҳаво бўлишига қарамай, ғалаба қозониб, делегациямиз ҳисобига яна бир олтинни қўшиб қўйишди. 

Урал Федерал округига қарши кечган учрашув 9:7 ҳисобида Ўзбекистон шарафига ҳал бўлди.

МОҚ матбуот хизмати