Осиё чемпионати. Медаллар бўйича иккинчи, жанглар сифати бўйича биринчи ўринни эгалладик!

Иорданиянинг Амман шаҳрида бокс бўйича U-15 ва U-17 Осиё чемпионати бўлиб ўтди.

"World Boxing" шафелигида ўтказилган қитъа биринчилигида Ўзбекистон терма жамоаси 44 та медал, жумладан, 16 та олтин, 15 та кумуш ва 13 та бронза билан умумжамоа ҳисобида иккинчи ўринни эгаллади. Бизнинг принципал рақибимиз - Қозоғистон терма жамоаси 44 та медал (16 та олтин, 15 та кумуш ва 13 та бронза) билан умумжамоа ҳисобида ғолибликни қўлга киритди. Шунингдек, Ҳиндистон 43 та медал (15-6-22) билан учинчи ўринни банд этган бўлса, кучли бешликни Украина (5-7-24) ва Эрон (1-5-5) якунлаб берди.

Яна шуни ҳам қайд этиш жоиз, қитъа биринчилигидаги жангларнинг сифати бўйича Ўзбекистон бокс терма жамоасига тенг келадигани топилмади. Яъни мусобақада иштирок этган 51 нафар чарм қўлқоп устамиз умумий 140 очко тўплади. Биздан кейинги энг яхши натижа Қозоғистон терма жамоасига тегишли бўлди. Улар 56 нафар боксчи билан иштирок этиб, 138 очко жамғарди.

Маълумот учун, мазкур Осиё чемпионатида жами 18 давлатдан боксчилар иштирок этди.