Осиё кубоги. Австралия дарвозасига ҳеч қачон гол урмаган Ўзбекистон терма жамоаси бугун бу ишни уддалайдими?

Бугун Ўзбекистон терма жамоаси Қатар яшил майдонларида бўлиб ўтаётган Осиё кубоги 3-тур ўйинини ўтказади. Сречко Катанец бошчилигидаги термамизга Австралия терма жамоси рақиблик қилади.

Мазкур беллашув "В" гуруҳ пешқадамини аниқлаб беради. 2-турдан сўнг "яшил қитъа вакиллари" 6 очко билан биринчи ўринда бормоқда, "оқ бўрилар" эса 4 очко билан 2-поғонани эгаллаб турибди.

Мазкур учрашувда футболчиларимиз тўлиқ кўк либосда, дарвозабонимиз эса қора либосда ҳаракатланади.

Шунингдек, учрашувни ҳакам япониялик Араки Юсуке, унга қанотларда ҳамюртлари Миҳара Жун ва Такаги Такуми ёрдам беради. Захира ҳаками сифатида эса хитойлик Ма Нинг ишлайди.

Учрашув эртага соат 16:30 да “Ал-Жануб” стадионида старт олади.