Осиё кубоги U-20. Ўзбекистон - Австралия: Матнли трансляция!

Айни вақтда 20 ёшгача бўлган футболчилар ўртасида Осиё Кубоги чорак финалидан ўрин олган Ўзбекистон - Австралия баҳси старт олмоқда. Мазкур беллашувдан матнли трансляцияни сайтимиз орқали томоша қилишингиз мумкин. 

• *'
  

  Умарали гол уриб, термамизни ярим финал ва жаҳон чемпионатига олиб чиқди. Офарин, йигитлар!!!

• *'
  

  Ураааааааа! Тўп дарвоза тўсинига тегди.

• *'
  

  Маҳмуд ҳам гол урди ва ҳисобни 4:4 кўринишига келтириб қўйди.

• *'
  

  Боймуродов бу сафар ҳам зарба йўлини топа олмади - 4:3. 

• *'
  

  Абдураззоқов ҳам нуқтада адашмади - 3:3.

• *'
  

  Яна гол урилди. 3:2.

• *'
  

  Холдорхонов яна ҳисобни тенглаштириб қўйди.

• *'
  

  "Кенгурулар" бу сафар ҳам адашмади - 1:2.

• *'
  

  ГОООООООЛ! Аббос ҳам хато қилмади. Баракалла!!!

• *'

  Энди навбат бизга. Тўп олдида Аббос Файзуллаев...

• *'
  

  Рақиб футболчиси зарбада адашмади. 

• *'

  Серия бошланмоқда. Биринчи бўлиб Австралия тепади...

• 120+2'
  

  Қўшимча бўлимларда ҳам ҳисоб ўзгармади. Энди навбат пенальтилар сериясига.

• 120'
  

  Ҳакам томонидан ўйинга 2 дақиқа вақт қўшиб берилди.

• 118'
  

  Ҳимоячи Диёр Ортиқбоев ўрнига вингер Нодир Абдураззоқов майдонга туширилди.

• 117'

  Рақиб тўп назоратига эгалик қилмоқда.

• 115'

  Якунга қадар 5 дақиқа вақт қолди...

• 112'
  

  Энди бизда ўзгариш. Беҳруз Асқаров ўз ўрнини Абубакр Ашуровга бўшатиб берди.

• 109'
  

  Австралия таркибида 2 та ўзгариш амалга оширилди.

• 107'

  Сал қолса Австралия гол ураб қўяр эди...

• 106'
  

  Экстра-таймларнинг навбатдагиси старт олди. Олға, ЎЗБЕКИСТОН!!!

• 105+2'
  

  Қўшимча бўлимларнинг биринчиси якунланди. Ҳисоб ўзгарганича йўқ - 1:1.

• 105'
  

  Биринчи экстра-таймга 2 дақиқа қўшиб берилди.

• 102'

  Беҳруз Асқаров жароҳат олди. Унга тиббий ёрдам кўрсатиляпти.

• 100'

  Баҳснинг 100-дақиқаси бошланди. Бизда ҳозирча ҳисоб - 1:1.

• 98'

  Холдорхонов қулай вазиятда турган Файзуллаевга тўпни етказиб бера олмади. 

• 96'
  

  Зафармурод Абдираҳматов ўз ўрнини Иззатилло Пўлатовга бўшатиб берди.

• 96'

  Асқаровнинг айёрона зарбаси бироз ноаниқ кетди.

• 94'

  Вакилларимиз яна бир қулай имкониятни голга айлантира олмади.

• 92'

  Иккита бурчак зарбасига эга бўлдик. Аммо иккаласи ҳам биз учун самарасиз якунланди.

• 91'
  

  Экстра-таймларнинг биринчисига старт берилди.

• 90+6'
  

  Асосий вақт 1:1 ҳисобида якунланди. Қўшимча бўлимларга мурожаат қиламиз.

• 90+5'

  Ўйин асосий вақти тугашига 1 дақиқа қолди. Гол кўрамизми, йигитлар?!

• 90+2'

  Пўлатхўжанинг зарбасига озгина аниқлик етишмади.

• 90'
  

  Учрашув асосий вақтига 5 дақиқа қўшиб берилди.

• 85'
  

  Холдорхонов офсайдда қолиб кетди. Ажойиб вазият шу жойида тўхтаб қолди.

• 82'

  Австралия ўйинда назоратни ўз қўлига олишга ҳаракат қилмоқда.

• 79'
  

  ГОООООООООООЛ! Зафармурод Абдираҳматов ҳисобни тенглаштирмоқда. Гап йўқ, йигитлар!!!

• 77'
  

  Гол! Австралия ҳимоямизда юзага келган хатодан унумли фойдаланиб кетмоқда.

• 76'

  Рақиб тезкор қарши ҳужумга ўтиб кетди. Энди уларда "корнер кик".

• 75'
  

  Бурчак зарбасига эгамиз. Гол кутамиз, йигитлар!!!

• 73'

  Австралия позицион ҳужумлардан омадини синаб кўряпти.

• 70'

  Эххххх, Аббос. Бирга-бир вазиятдан унумли фойдалана олмадик.

• 65'

  Зафармуроднинг қанотдан берган кескин узатмасидан сўнг тўпни Австралия сардори қайтариб юборди.

• 63'

  Меҳмонлар тўп назоратига эгалик қилмоқда.

• 60'
  

  Таркибимизда ўзгариш. Эсанов ўрнига Шаҳриёр Жабборов ўйинни давом эттиради.

• 58'
  

  Дарвозабонимиз ажойиб ҳаракат қилмоқда. У бир неча сейвлар амалга оширишга улгурди. Бироқ бу жамоамиз учун яхши хабар эмас.

• 57'
  

  Боймуродовдан супер сейв. У жамоамизни муқаррар голдан қутқариб қолди.

• 55'
  

  Эсановга тиббий ёрдам кўрсатилиши керак. У майдонда оёғини ушлаб ётибди.

• 54'

  Ҳакам австралиялик футболчининг жарима майдончаси ичида қўл билан ўйнаганини кўрмай қолди.

• 52'

  Эхх... Холдорхоновнинг зарбасига ҳимоячилар "блок" қўйишди.

• 51'

  Стандартдан амалга оширилган зарба ноаниқ кетди.

• 50'

  Жарима майдонимиз олдида хавфли жарима зарбаси!

• 49'
  

  Ухххх. Шерзод Эсановдан супер зарба. Аммо дарвозабон ажойиб сейв намойиш этди.

• 46'
  

  Иккинчи тайм бошланди.

• 45+4'
  

  Биринчи тайм якунига етди. Ҳозирча беллашувда ҳисоб очилмади - 0:0.

• 45+3'

  Эххх қандай ажойиб имконият эди-а!!! Австралиялик посбон сейви билан жамоасини голдан асраб қолди.

• 45+1'
  

  Нектариос Триантисга сариқ карточка кўрсатилди.

• 45'
  

  Биринчи бўлимга 2 дақиқа вақт қўшиб берилди.

• 43'

  "Яшил қитъа вакиллари" ҳимояда ўта тартибли ўйин намойиш этмоқда.

• 40'

  Тўп вакилларимизда. Позицион ҳужум ташкил қилишга уриниб кўрамиз.

• 38'
  

  Габриэль Поповичга тиббий ёрдам кўрсатилди.

• 35'

  "Кенгурулар"нинг бу сафарги ҳужуми анча кескин кўриниш олди. 

• 33'

  Холдорхоновнинг зарбаси дарвоза тўсини тепасидан ўтиб кетди.

• 32'

  Файзуллаевга ҳимоячилар имкон беришмаяпти. Австралия ўйинга яхши тайёргарлик кўргани билиняпти.

• 29'

  Ўйин давомида икки жамоада ҳам ҳаяжон борлиги сезилиб турибди. Майда хатолар кўпайиб бормоқда.

• 27'

  Ортиқбоевга нисбатан яна бир маротаба ўйин қоидаси бузилди.

• 24'

  Беҳрузбек Асқаров майдонда ётибди. Унга тиббий ёрдам кўрсатилмоқда.

• 22'

  Майдон марказида кичик хатоларга йўл қўймоқдамиз. 

• 20'

  Бурчак зарбасидан узатилган тўпни рақиб посбони осонлик билан эгаллаб олди. 

• 18'

  Асқаровнинг зарбаси бироз ноаниқ кўриниш олди.

• 15'

  Австралия тўп назоратига эгалик қилмоқда.

• 13'

  Диёр Ортиқбоев австралиялик футболчига нисбатан ўйин қоидасини бузди. Жарима зарбасидан берилган зарба эса ноаниқ кўриниш олди.

• 11'

  Аббос ажойиб алдамчи ҳаракатлари билан рақиб мудофаачиларини доғда қолдирди. Бироқ унинг якуний зарбаси дарвозабон учун қийинчилик туғдирмади.

• 9'

  Маҳамаджоновнинг узатмасидан сўнг тўпга зарба берадиган футболчимиз топилмади.

• 6'

  Рақибларимиздан хавфли ҳужум. Бахтимизга австралиялик ҳужумчи тўпга улгура олмади.

• 4'

  Абдуқодир Ҳусановнинг бош билан йўллаган зарбаси дарвоза тўсини тепасидан ўтиб кетди.

• 2'
  

  Вакилларимиз илк дақиқалардан бурчак зарбасини амалга оширади.

• 1'
  

  Беллашув бошланди. Ўзбекистон оқ, Австралия қора рангли либосларда ҳаракат қилмоқда.

• *'

  Жамоалар мадҳияси янгради. Старт учун барчаси тайёр.