Осиё кубоги U-20. Ўзбекистон фаворит саналган Жанубий Кореяни енгиб, финалга йўл олди!

Юртимизда ўтаётган 20 ёшгача бўлган ёшлар ўртасидаги Осиё Кубогининг ярим финал ўйинида Ўзбекистон терма жамоаси Жанубий Кореяга қарши майдонга тушди. Мазкур беллашув асосий вақтида 0:0 ҳисоби қайд этилди. Экстра-таймларда ҳам ҳисоб ўзгармади. Пенальтилар сериясида эса омад яна вакилларимизга кулиб боқди - 4:1.

Шу тариқа, Ўзбекистон финалга йўл олди. Энди улар ҳал қилувчи баҳсда Ироқ билан куч синашади. 

• *'
  

  Отабек яна бир зарбани қайтарди ва термамизнинг финалга чиқишида улкан ҳисса қўшди. Бугун сен қаҳрамонсан, Боймуродов!!!

• *'
  

  Гол, гол яна битта гол. Йигитларга гап йўқ!!!

• *'
  

  Учинчи имкониятда рақибларимиз гол уришга муваффақ бўлди.

• *'
  

  Вакилларимиздан иккинчи гол!

• *'
  

  Рақибларимизнинг иккинчи зарбасини ҳам Отабек қайтариб қолди!!! Офарин!

• *'
  

  Аббос Файзуллаев нуқтада адашмади - 1:0.

• *'
  

  Рақибларимиз илк зарбада хатога йўл қўйди. Баракалла, Отабек! У тўп йўлини тўғри топди!!!

• *'

  Кореяликлар биринчи зарба беради. 

• *'

  Пенальтилар сериясини биз билан бирга кузатиб бориш имконига эгасиз!

• 120'
  

  Экстра-таймлар ҳам якунига етди. Ҳисоб ўзгаргани йўқ ва энди пенальтилар серияси ғолибни аниқлаб берилади.

• 119'

  Сўнгги дақиқаларда ўта қулай имкониятни бой бердик.

• 117'

  Умаралининг жаримадан йўллаган айёрона зарбасига бироз аниқлик етишмади.

• 114'

  Аббоснинг зарбаси кўнгилдагидек чиқмади ва тўп тўғри дарвозабоннинг қўлига бориб тушди.

• 112'
  

  Рақиб футболчиси майдонда ётибди. Унга тиббий ёрдам кўрсатилмоқда.

• 110'
  

  Эхх, Акрамов. У дарвозабон билан бирга-бир чиқиб бориб, гол ура олмади.

• 108'

  Ҳусановнинг зарбаси ўта кучсиз чиқди. 

• 106'
  

  Қўшимча бўлимларнинг иккинчисига старт берилди.

• 105+1'
  

  Тайм якунига етди. Ҳисоб ҳамон ўзгарганича йўқ - 0:0.

• 105'
  

  Биринчи экстра-таймга 1 дақиқа вақт қўшиб берилди.

• 104'

  Ухххх... Яна бир супер зарбани рақиб посбони бартараф этди.

• 102'

  Навбатдаги позицион ва чиройли ҳужум самарасиз якунланди биз учун.

• 99'

  Ёшларимиз бирин-кетин ҳужумлар ташкил қилмоқда. Аммо ҳозирча гол уришнинг имкони топилмаяпти.

• 97'

  Кореяликлар катта қийинчилик билан хавфни бартараф этди.

• 95'
  

  Тўп билан футболчиларимиз. Улар бурчак зарбаси ишлаб олишди.

• 93'

  Рақибларимиз яхши вазиятга эга бўлди. Аммо посбонимиз Отабек Боймуродов ўз ўрнида. 

• 91'
  

  Кореяликлар навбатдаги 2 ўзгаришга қўл урди.

• 90+5'
  

  Асосий вақт 0:0 ҳисобида якун топди. Экстра-таймлар гувоҳи бўламиз!

• 90+3'

  Ухххх... Акрамов ўта қулай имкониятдан гол ура олмади.

• 90'
  

  Иккинчи бўлимга 5 дақиқа қўшиб берилди.

• 88'

  Ўйиннинг ҳаяжонли онлари яқинлашмоқда...

• 85'
  

  Асқаров барибир захирага олинди. Унинг ўрнига ўйинни Шаҳриёр Жабборов якунлаб қўяди.

• 81'
  

  Беҳруз Асқаров жароҳат олиб, майдонни тарк этди. Аммо у майдонга қайтишни истаяпти.

• 79'

  Асқаров тезликда очиқ зонага чиқиб бораётган Файзуллаевга аниқ пас етказиб бера олмади.

• 76'

  Майдон марказида рақибга нисбатан қўполлик қайд этилди. 

• 74'

  Ёшларимиз қулай имкониятдан гол уриши мумкин эди. Аммо футболчимиз тўпга мослаша олмади.

• 73'

  Эсанов рақибга нисбатан қўпол ҳаракат қилди.

• 70'

  Абдираҳматов узоқ масофадан омадини синаб кўрди. Зарба бироз ноаниқ кетди.

• 67'
  

  Ўзбекистон таркибида ўзгариш. Захирадан майдонга тушган Асадбек Жўрабоев ўрнига Шерзод Эсанов, Нодир Абдураззоқов ўрнига эса Шаҳзод Акрамов майдонга тушди.

   

• 65'

  Ҳамюртларимиз ҳозирча рақиб мудофаасини текширувдан ўтказяпти.

• 63'

  Тўп назорати вакилларимиз томонида.

• 60'

  Жанубий Корея жамоаси таркибида учинчи ўзгариш амалга оширилди. Ли Юнгжун ўрнига ўйинни Сунг Жин Юнг давмо эттиради.

• 59'

  Нодир Абдураззоқовдан яна бир зарба. Бироқ яна ноаниқ.

• 57'

  Корея термаси жарима майдонимиз олдида хавф туғдирмоқда.

• 54'
  

  Рақибларимиз сафида навбатдаги ўзгариш. Бай Жунг Хо ўз ўрнини Парк Чанг Вуга бўшатиб берди.

• 51'

  Абдураззоқовнинг зарбаси ўхшамади. Ўта ноаниқ...

• 49'

  Иккинчи бўлимни ҳам вакилларимиз ҳужумкор бошлади.

• 46'
  

  Кореяликлар таркибида ўзгариш. Ким Хё Сунг ўрнига Канг Сеонг Жинг майдонга туширилди.

• 46'
  

  Иккинчи бўлимга старт берилди.

• 45+1'
  

  Биринчи тайм якунига етди. Ҳозирча беллашувда ҳисоб очилмади - 0:0.

• 45'
  

  Биринчи бўлимга 1 дақиқа қўшиб берилди.

• 42'

  Майдон марказида тўп учун жиддий кураш кечди ва унда вакилларимиз устун чиқди.

• 39'

  Рақибларимиз тўп назоратига эгалик қиляпти.

• 36'

  Аббоснинг аниқ зарбасини яна Ким Жун Хонг қайтаришга муваффақ бўлди.

• 35'
  

  Асад Жўрабоев рақибга ишлатган қўполлиги учун огоҳлантирилди.

• 32'

  Жанубий Корея жарима майдони олдида дарвозабонга нисбатан ўйин қоидасини буздик.

• 29'

  Файзуллаевнинг жарима зарбасидан тепган тўпи дарвоза тўсини тепасидан ўтиб кетди.

• 28'
  

  Канг Сангвунга сариқ карточка кўрсатилди. У Аббосни ўз жарима майдони олдида тўхтатиб қолди.

• 25'

  Абдуқодир Ҳусанов рақибнинг кескин ҳужумини қайтариб қолди.

• 23'

  Хванг Интаек боши билан дарвозамиз томон зарба йўллади. Аммо ноаниқ.

• 20'
  

  Холдорхонов майдонга қайтмади. Унинг ўрнига Асадбек Жўрабоев баҳсни давом эттиради.

• 19'
  

  Пўлатхўжа Холдорхонов жароҳат олиб, майдонни тарк этди. У захирага олиниши мумкин.

• 17'

  Яна ўша Зафармуроддан фаоллик. У кучли зарбаси билан рақиб посбонини синовдан ўтказди. Аммо дарвозабон ҳам бу вазиятнинг гол билан тугашига имкон бермади.

• 14'

  Зафармурод Абдираҳматов рақибга нисбатан ажойиб ўйнади ва мухлислар олқишига сазовор бўлди.

• 12'

  Жамоалар ҳозирча бир-бирини ўрганиш билан овора.

• 9'

  Кореяликлар тўп назоратига эгалик қилишга ҳаракат қилмоқда.

• 7'

  Беҳруз Асқаровга нисбатан ўйин қоидаси бузилди.

• 5'

  Маҳамаджанов қанотдан тезликда рақибларини ортда қолдирди. Аммо якуний пас беришда хатога йўл қўйди.

• 2'

  Майдон марказида Нодир Абдураззақовга нисбатан фол ишлатилди.

• 1'
  

  Учрашувга старт берилди.

• *'

  Икки жамоанинг давлат мадҳияси янгради.

• *'

  Жамоалар стадионга чиқиб келди.