Осиё кубоги U-20. Ярим финалдаги рақибимиз Жанубий Корея билан ноябрда иккита ўйин ўтказганмиз!

20 ёшгача бўлган футболчилар ўртасида Осиё кубоги ўзининг қизғин палласига кириб бормоқда. Айни пайтда чорак финалдан ўрин олган Япония - Иордания учрашуви бўлиб ўтмоқда. 

Кеча бўлиб ўтган Ўзбекистон ва Австралия тўқнашувида вакилларимиз пенальтилар сериясида зафар қучди. Кейинги босқичда рақибимиз бугун Хитойни экстра-таймларда мағлуб этган Жанубий Корея термаси бўлади. 

Аҳамиятлиси, вакилларимиз ушбу юрт жамоаси билан ноябрда икки ўйин ўтказган. Унда 5 ноябрда бўлиб ўтган илк баҳс 1:1 ҳисобида якунланган. 8 ноябрдаги беллашувда эса ҳамюртларимиз 2:3 ҳисобида мағлубиятга учраган. Қизиғи, кореяликларнинг дарвозасига урилган барча 3 гол Пўлатхўжа Холдорхонов номига қайд этилган.