Osiyo Kubogining barcha finallari, chempionlar va natijalar

Qatardagi Osiyo kubogi yakuniga etmoqda. Musobaqa bir qator qiziqarli natijalar, kutilmagan syurprizlarga boy o‘tmoqda. XVIII bor o‘tkazilgan chempionatda bir qator yangi nomlar, jamoalar ko‘pchilikni hayron qoldirish bilan birga o‘ziga qaratmoqda ham.

Jumladan, qo‘shnimiz Tojikiston tarixda ilk bor qit’a birinchiligida ishtirok etib, guruh bosqichini hal qildi. Chorak finaldan muvaffaqiyatli o‘tib, chorak finalgacha etib bordi.

Finalga chiqqan Iordaniya shovqin ko‘tarishda davom etmoqda. Ular ham tarix yaratdi. Ilk bor chorak final, mana shu musobaqaning o‘zida yarim final, endi esa FINAL!

Shu va shunga o‘xshash natijalar bilan musobaqa yakunlanish arafasida. Mezbon Qatar ketma-ket ikkinchi bor hal qiluvchi uchrashuvda ishtirok etadi. Akram Afif boshchiligidagi qatarliklar chempionlikni himoya qilishga urinadi.

Agar Qatar bu gal ham bosh sovrinni qo‘lga kiritsa, tarixiy natija qayd etadi. Ular ham Janubiy Koreya singari Osiyoning ikki karra chempioniga aylanadi yoki Iordaniya ilk bor shohsupaning eng yuqorisiga chiqqan oltinchi jamoa bo‘ladi.

Osiyo kuboklarida Yaponiya (1992, 2000, 2004, 2011) 4, Saudiya Arabistoni (1984, 1988, 1996) va Eron (1968, 1972, 1976) 3, Janubiy Koreya (1956, 1960) 2, Isroil (1964), Quvayt (1980), Avstraliya (2015), Iroq (2007) hamda Qatar (2019) bir martadan chempionlikka erishgan.

Quyida Osiyo kubogining barcha mezbonlari, finalchilar, chempionlar va natijalar bilan tanishishingiz mumkin: