Осиё ўйинлари. Қиличбозларимиз ҳам медални нақд қилди

Осиё ўйинларидан яна бир хушхабар.

Шпагачи қизимиз Дилназ Мурзатаева чорак финал беллашувида япониялик Сато Нозомини 15:14 ҳисобида мағлубиятга учратиб, ярим финал йўлланмасини қўлга киритди.

Регламентга кўра, қиличбозликда ярим финалда имкониятни бой берган атлетлар бронза медалига эга бўлишади. Бироқ биз Муртазаевадан финал ва чемпионликни кутиб қоламиз.

Юртдошимизнинг финал остонасидаги рақиби жанубий кореялик Инжеонг Чои бўлади.