Осиёга яна бир супертўпурар келмоқда

“Челси”дан кетиши керак бўлган Пьер-Эмерик Обамеянг фаолиятини Саудия Арабистони чемпионатида давом эттириши кутилмоқда.

Габонлик тўпурарга “Ал-Аҳли” ва “Аш-Шабаб” клублари жиддий қизиқиш билдиряпти. Бу ҳақда таниқли инсайдер Фабрицио Романо.

33 ёшли футболчи “Челси”га керак бўлмай қолганидан кейин аввалги жамоаси “Барселона”га қайтмоқчи бўлганди. Лекин каталонияликлар уни ортга чақиртиргани йўқ.

Обамеянг ҳали Европа клубларидан таклиф бўлишидан умидвор. Шу боис, тажрибали ҳужумчи АҚШнинг “Лос Анжелес” жамоасидан бўлган таклифни қабул қилмаган эди.

Бироқ, саудияликлар таклиф қиладиган маош миқдори африкалик ҳужумчининг фикрини ўзгартириши мумкин.