Осиёнинг энг кучли футбол лигалари рейтинги эълон қилинди

Халқаро футбол тарихи ва статистикаси федерацияси (IFFHS) томонидан Осиё қитъасидаги энг кучли футбол лигалари рейтинги эълон қилинди.

Унга кўра, Саудия Арабистони Про лигаси Осиёдаги энг кучли чемпионат сифатида эътироф этилди. Рейтингда Япония "J1" лигаси иккинчи, Жанубий Корея "K"-лигаси эса учинчи ўринни эгаллади.

Ўзбекистон Суперлигаси мазкур рўйхатда 14-ўриндан жой олди. Мамлакат чемпионати Қувайт ва Сингапур лигаларидан устунроқ деб топилди.

Тўлиқ рейтинг билан қуйида танишиб чиқишингиз мумкин.

Маълумот учун, ушбу рейтинг 2025 йил якунларига кўра шакллантирилган бўлиб, унда клубларнинг халқаро турнирларда қайд этган натижалари инобатга олинди.