Отабек Шукуров захирадан майдонга тушган ўйинда "Фотиҳ Карагюмрук" мағлуб бўлди

Туркия кубоги доирасида "Фотиҳ Карагюмрук" - "Истанбул Башакшехир" учрашуви якунланди. Ўйинда мехмонлар ғалаба қозониб кейинги босқичга йўл олди.

Дастлаб 68-дақиқада Диагне ҳисобни очган бўлса, орадан 3 дақиқа ўтар-ўтмас Меркан ўз дарвозасини ишғол қилиб қўйди. Учрашувнинг асосий вақтида бошқа гол урилмади. Қўшимча таймларда ҳам иккала томон биттадан гол урди. Ҳисоб 2:2. Пеналтьилар сериясида Пирло шогирдлари имкониятни бой берди. Хамюртимиз Отабек Шукуров эса ўйинга захирдана қўшилди ва 11 метрлик жарима зарбасида адашмади.

Шу тариқа, "Истанбул Башакшехир" Туркия кубогининг чорак финалига чиқди