Ўтган мавсумни АПЛда ўтказган "Барса" футболчиси ортга қайтди, бироқ...

Португалиялик ярим ҳимоячи Франсишку Тринкан "Вулверхэмптон"даги бир йиллик ижарадан сўнг яна "Барселона"га қайтди. Бироқ каталонияликлар футболчини жамоада олиб қолиш ниятида эмас.

Тринкан “Барса” сафида мунтазам ўйнаганига қарамай, ўтган мавсум бошида "Вулверхэмптон"га ижарага бериб юборилган эди. Ижара муддати бир неча кун олдин тугади ва португалиялик яқинда Каталонияга қайтди. Бироқ, клуб аллақачон футболчига янги иш изламоқда, деб ёзмоқда испан нашрлари.

Футболчига давогарлардан бири Лиссабоннинг “Спортинг” жамоаси ҳисобланади. "Барселона" футболчини 20 миллион еврога баҳоламоқда.

Тринкан ўтган мавсум АПЛда 28 та ўйинда майдонга тушиб, 2 та гол урди ва 1 та голли узатмани амалга оширди.