Ўйин бошланишига бир неча соат қолди. Бугун Шомуродов нималарга қодирлигини кўрсатиб қўйиши керак!

Италия А Сериясининг 18-турида “Аталанта” ўз майдонида “Женоа”ни қабул қилади. Бошқача қилиб айтганда, ёзги трансферлар даврида Россия футболидан кучли бешлик чемпионатига ўтган икки футболчи – Алексей Миранчук ва Элдор Шомуродов жамоалари ўзаро тўқнаш келади.

Учрашувлар тарихига назар ташласак, қизиқ статистика гувоҳи бўламиз. Бу жамоалар бир бири билан ўзаро 28 марта  куч синашган, натижа эса тенг. Ҳар икки жамоа ўнтадан ғалабани нишонлаган ва саккизта баҳсда кучлар тенг келган. Тўплар нисбатидаги кичик учтунлик “Аталанта” томонида – 40:37.

Шундай бўлса-са, бугунги кунда ҳар икки жамоа умуман бошқа-бошқа мақсадлар учун курашмоқда. “Аталанта” гарчи чемпионлик учун даъво қилмаса ҳам, Европа Чемпионлар лигасининг доимий иштирокчисига айланмоқчи. Айни пайтда 16 та учрашувда 31 очко тўплаган Жан Пьеро Гасперини шогирдлари бешинчи ўринга мустаҳкам ўрнашиб олган ва мавсум охиригача “Милан”, “Ювентус”, “Интер”, “Рома”, “Лацио”, “Наполи” каби номдор жамоалар  билан чемпионат якунига қадар “кўҳна қитъа”нинг энг нуфузли турнири йўлланмаси учун кураш олиб боришга бел боғлаган.

Miranch

Қолаверса, “Аталанта” ўзи қатнашаётган барча турнирлар доирасида мағлубиятсиз сериясини ўнта учрашувга етказиб олди. Бу учрашувлардан еттитасида ғолиб чиққани жамоа жанговар ҳолатда эканидан далолат беради. Жамоанинг асосий қуроли – колумбиялик ҳужумчи Луис Муриэль 15 та ўйинда 10 та гол урган.

Кейинги йилларда А Сериядаги жойини сақлаб қолиш учун курашишни одат қилган “Женоа” қутқарувчи мутахассис Давиде Баллардини қўл остида ўйинини қайта ташкил этяпти. Генуяликлар Элдор Шомуродов ёрдамида хавфли ҳудуддан чиқиб олди. Биз мухлислик қилаётган жамоа 17 та учрашувдан сўнг, очколари сонини 14 тага етказди.

Айниқса, Италия кубоги доирасида “Женоа” амалдаги чемпиони “Ювентус” майдонида туринликлар билан тенгма-тенг ўйнагани жамоанинг рақобатбардошлиги ошиб бораётганини кўрсатди.  

Балларидини Туриндаги ўйинда етакчи ҳужумчилари – Элдор Шомуродов ва Маттиа Дестрони майдонга туширмай, уларни бугун бўладиган ўйинга сақлади. Гарчи бунинг учун мухлислар танқидига дуч келган бўлса-да,  у кубок ўйинидан А Серия баҳсини устун қўйди.

131890108_4147685285242360_4025541157088522275_o_2

Ўзбекистонлик ва россиялик футбол мухлислари учун яна бир эътиборга молик масала кейинги йилларда ҳар икки мамлакатнинг етакчи футболчиси номини эгаллаб турган ўйинчиларнинг ўзаро дуэлидан. Россия футболининг энг кучли вакили Алексей Миранчук Ўзбекистоннинг айни пайтдаги энг ёрқин юлдузи Элдор Шомуродов билан рақобатга киришади.

Италия футболига мослашиш бўйича ўзбек футболчиси илғорроқ. Гарчи Алексей “Аталанта”га ўтганидан  бери Элдордан битта кўп гол урган бўлса-да, жамоасининг асосий ўйинчисига айлана олгани йўқ. У ҳамон мослашиш жараёнида.

Шомуродов эса “Женоа”нинг энг муҳим ўйинчиси ҳисобланади. У жамоасининг аксарият голларида бевосита иштирок этишдан ташқари, ўткир ҳужум уюштириш, рақиб ҳужумини барбод қилиш, ҳимояланиш ва яккакурашлардаги устунлиги, тезкорлиги билан мухлису мутахассисларнинг юқори баҳосига лойиқ кўрилмоқда.

Бугун “Женоа” мухлислари асосий таркибда Элдор Шомуродов туширилиши ва муҳим баҳсда ўзбек футболчиси жамоа муваффақиятига муносиб ҳисса қўшишини кутмоқда.

136349069_4200332426644312_8335601895439015092_o

Бергамо шаҳридаги “Атлети Адзурри д’Италия” стадиони мезбонлик қиладиган учрашув Тошкент вақти билан 22:00 да бошланади. Учрашувни Ливио Маринелли бошчилигидаги ҳакамлар бригадаси бошқаради.

Шомуродов Европа футболидаги мақсадини айтди!

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Дилшод Даврлнов
17/01/2021 09:27
Элдор ОМАДОМАДОМАД ГОЛГОЛГОЛ
&
Комилжон
17/01/2021 12:43
Элдор ОМАД
G'iyos Boltayev
17/01/2021 08:09
Omad!!!
77 77
17/01/2021 07:30
Олга шома