O‘yin juda qimmatga tushdi

Ispaniya chempionatining 30-turida “Atletik”dan uchralgan mag‘lubiyat “Betis” bosh murabbiyi Rubiga qimmatga tushdi.

Rubi shogirdlarida so‘nggi 11 ta uchrashuvdan faqat bittasida g‘alaba qozona olgan, qolganlarida faqat durang va mag‘lubiyat qayd etdi. Natijadan qoniqmagan rahbariyat bosh murabbiyga chiqish eshiklarini ochib berdi.

Endi “Betis”ni sport direktori lavozimida ishlab kelayotgan Aleksis Truxilo boshqarib turadi. U futbolchilik faoliyati davomida etti yil “Betis” sharafini himoya qilgan.