O‘zbek futbolchisi qozog‘istonlik muxlislarga murojaat qildi

Rossiyaning “Nijniy Novgorod” klubidan Qozog‘iston Premer-ligasi vakili “Qayrat” jamoasiga ko‘chib o‘tgan Ibrohimxalil Yo‘ldoshev yangi qozog‘istonlik muxlislarga murojaat qildi.

- Hammaga salom. Men Ibrohimxalil Yo‘ldoshevman. “Qayrat” futbol klubiga qo‘shilganimdan xursandman. Tez kunlarda ko‘rishguncha! Olg‘a, “Qayrat”, - dedi Ibrohimxalil Yo‘ldoshev.

Chap qanot himoyachisi hisoblangan 22 yoshli legionerimiz 2021 yildan beri “Nijniy Novgorod” jamoasida o‘ynab kelayotgan edi.

Rossiyadagi faoliyati davomida 63 ta uchrashuvda qatnashgan hamyurtimiz o‘z hisobiga uchta gol va beshta assist rasmiylashtirgan.

“Qayrat” klubi Yo‘ldoshevni keyinchalik to‘liq transfer qilish huquqi bilan 2024 yilning oxirigacha ijaraga oldi.

Ibrohimxalil Yo‘ldoshev “Paxtakor” tarbiyalanuvchisi hisoblanadi. Iste’dodli futbolchi O‘zbekiston chempioni va mamlakat Superkubogi sohibi bo‘lgan.

Yo‘ldoshuv O‘zbekiston milliy terma jamoasi safida 16 ta o‘yinda maydonga tushib, bitta gol urishga ham erishgan.