Ўзбекистон - "Шахтёр" Солигорск: Ҳисоб йирик кўринишга келди (Матнли трансляция)

Ассалому алайкум, муҳтарам футбол ихлосмандлари. Бироздан сўнг бошланувчи Ўзбекистон - "Шахтёр" Солигорск ўртоқлик учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

90. Учрашув якунланди! Бу ўйин бизга зудлик билан ўйлаб кўрилиши шарт бўлган масалалар борлигини кўрсатиб берди. Кейинги ўйинларга қадар соғ-саломат бўлинг!

88. Ҳеч бўлмаса битта гол уриш учун олдинга ўтаётган вакилларимиз қуруқ қўл билан ортга қайтяпти.

86. Бозоровнинг фаол ҳаракатлари рақиб ҳимоячиларига муаммо туғдирмоқда.

84. Убайдуллаев узатган тўпни шериги дарвозага йўллай олмади.

81. Эркинов яна бир марта офсайдда қолиб кетди. Рақиб ҳимоячилари бу борада яхши ҳаракат қилмоқда.

78. Абрамов шогирдларининг ҳужумдаги ишлари умуман юришмаяпти.

75. Футболчиларимиз кўзида олов кўринмаяпти.

73. Ҳожимат Эркинов воқеалар ривожидан бироз илгарилаб кетди.

71. Мурод Ҳолмуҳаммедовнинг стандартдан йўллаган зарбаси ноаниқ кетди.

69. Футболчиларимиз олдинга ўтишга ҳаракат қилмоқда. Бироқ аксарият ҳужумлар бесамар якунланяпти.

Учрашувнинг иккинчи бўлимидан олинган суратларни томоша қилинг!

66. "Шахтёр" таркибидаги легионеримиз Шаҳзод Убайдуллаев майдонга тушди.

64. Икки томон футболчилари ўзаро тортишиб кетди. Вазиятга ҳакам аралашди.

63. Турғунбоевнинг узоқ масофадан йўллаган зарбасини дарвозабон ушлаб олди.

61. Солигорскликлар футболчиларимизни майдон марказида кичик қўполликлар билан тўхтатяпти.

59. Захирадан Абрамов майдонга туширган футболчилар ўйинга фаоллик қўша олди.

57. Вакилларимиз бурчак тўпидан унумли фойдалана олмади. Яна бир вазият кўкка совурилди.

55. ГОЛ! Стандарт вазиятдан жарима майдонимизга етказиб берилган тўпни "Шахтёр" футболчиси дарвозамизга йўллади.

54. Рақибга нисбатан қоида бузган Иброҳимҳалил Йўлдошев сариқ карточкага лойиқ кўрилди.

53. "Шахтёр" тўпни ўзида ушлаб турибди. Футболчиларимиз прессинг уштирмоқда.

51. Марказга оширилган тўпни рақиб дарвозабони хотиржамлик билан эгаллаб олди.

50. Жарима майдони яқинида стандарт вазиятга эга бўлдик. Тўпни Нурилло Тўхтасинов ўйинга киритиб беради.

48. ГОЛ! Яна тезкор гол ўтказиб юбордик. Ботирали Эргашевнинг қўпол хатосидан кейин Океучи дарвозамизга иккинчи тўпни киритди.

46. Иккинчи тайм бошланди!

46. Бўлимлар оралиғида терма жамоамиз таркибида бир қатор ўзгаришлар амалга оширилди.

45. Танаффус!

44. Тайм сўнгида футболчиларимиз орқа чизиқда тўпни назорат қиляпти.

42. Дарбо дарвозабонимиз билан деярли бирга-бир вазиятга чиқиб борди. Унинг кучли зарбасини Ботирали Эргашев қайтаришга муваффақ бўлди.

39. Рақибларимиз майдон марказида тўпни назорат қилмоқда. 

37. Мираҳматов ҳужумда қоида бузди. Ҳакам ўйинни тўхтатди.

35. Футболчимиз офсайдда қолиб кетди. Яна бир ҳужум охирига етмай қолди.

Учрашувдан суратларни томоша қилинг!

33. Қодирқуловга нисбатан қоида бузган "Шахтёр" футболчисини ҳакам майдондан четлатди. Бироқ икки томон келишувига кўра, унинг ўрнига бошқа футболчи ўйинни давом эттирилишига рухсат берилди.

32. Бурчакдан оширилган тўпга Голбан бош билан зарба йўллади. Тўп устун ёнгинасидан ўтиб кетди.

30. Қодирқуловга нисбатан рақиб футболчиси ўта қўпол ўйнади.

28. Ҳусниддин Ғофуровнинг зарбасидан кейин тўпни дарвозабон ушлаб олди. Тўп учун интилган Голбан унга ета олмади.

27. Эркиновга нисбатан ишлатилган қўполлик учун стандарт вазиятга эга бўлдик.

25. Жарима майдони ичида Ғофуров тўпни тўхтата олмади. Вазият қўлдан кетди.

23. Дубай шаҳрида ҳаво ҳарорати бироз юқори бўлганлиги учун ҳакам футболчиларга томоқ ҳўллаб олиш имкониятини тақдим этди.

21. Стандарт вазиятдан рақиб жарима майдонига узатилган тўп Голбанга келиб тушди. Бироқ Игорь зарба йўллаш имкониятини топа олмади.

19. Ҳисоб ўзгариши мумкин эди. Бироқ дарвозабонимизни алдаб ўтган рақиб футболчиси тўпни дарвозага йўллашга кечикди.

18. Бурчакдан етказиб берилган тўпни футболчимиз рақиб дарвозасига йўллади. Дарвозабон вазият қаҳрамони!

16. Рақиб футболчиси йўллаган зарба ҳимоячимизга тегиб, ўз йўналишини ўзгартирди.

14. Ҳисобни очган рақиб фаол ўйин кўрсатишда давом этмоқда. Йигитлар уйғониши лозим!

12. ГОЛ! Жарима майдони марказига оширилган тўпни Юрий Кендиш Эргашев дарвозасига киритди. Ҳисобда ортда қолиўни бошладик, афсуски.

10. Рақиб стандарт вазиятга эга бўлди.

8. Фарруҳ Сайфиевнинг узоқ масофадан йўллаган зарбасига аниқлик етишмади.

7. Вакилларимиз ўнг қанотдан ҳужум уюштиришга муваффақ бўлди. Бироқ жарима майдони томон оширилган тўп ҳимоячидан ўтмади.

5. Солигорскликлар футболчиси ўйиндан ташқари ҳолатда қолиб кетди. Ҳакам ўйинни тўхтатди.

4. Тўп учун курашлар, асосан, майдон марказида кечяпти. Томонлар эҳтиёткорликни биринчи ўринга қўмоқда.

2. Илк дақиқалардан рақибларимиз тўпни назорат қилмоқда.

1. Учрашув бошланди!

0. Футболчилар майдонга тушиб келди. Ўйин бир неча сониялар ичида старт олади!