Ўзбекистон МТЖнинг бугунги машғулоти ҳам "Жар" стадионида ўтказилади

Хабарингиз бор, Ўзбекистон миллий терма жамоаси 2 октябрдан Тошкентда йиғинга киришди.

ЎФА матбуот хизматининг маълум қилишича, Вадим Абрамов бошчилигидаги ҳамюртларимизнинг бугунги машғулоти соат 17:00да “Жар” стадионида ташкил этилади. Машғулотнинг дастлабки 15 дақиқаси ОАВ вакиллари учун очиқ тарзда ўтади.

Эслатиб ўтамиз, ҳамюртларимиз ЖЧ-2022 йўлидаги Яманга қарши ўйинни 10 октябрь куни Тошкентда ўтказишади. 15 октябрь куни эса сафарда Сингапур билан куч синашамиз.