Ўзбекистон МТЖнинг Осиё Кубоги саралашидаги ўйинларини қайси телеканал намойиш этади? - Мухлислар томонидан энг кўп берилаётган саволга жавоб

Эртага, 8 июнь куни Осиё Кубоги саралаш учрашувлари старт олади. Ўзбекистон миллий терма жамоаси жойлашган "С" гуруҳида жамоалар баҳсларга киришади. Бугун терма жамоалар бош мураббийлари иштирокида матбуот анжуманлари ташкил этилди.

Ўйинлар Намангандаги "Навбаҳор" клубининг уй стадионида ўтказилади. Қолаверса, айни кунларда юртимизда 23 ёшгача футболчилар ўртасида Осиё Кубоги бўлиб ўтмоқда. Шунинг учун мухлисларда саволлар пайдо бўлди: миллий терма жамоанинг қитъа саралашидаги ўйинларини қайси телеканал намойиш этади?

U-23 Осиё Кубоги беллашувларини "Узрепорт" ва "Футбол ТВ", Ўзбекистон миллий терма жамоаси иштирок этадиган саралаш ўйинларини "Спорт" телеканали жонли эфирда трансляция қилади!

Сречко Катанец саралаш баҳсларида фаворит эканлигимиз, аммо бир лекини борлиги, асосий ҳужумчи кимлиги ва Суперлигада яхши натижалар кўрсатаётган футболчилар нега таркибга жалб қилинмагани борасида гапирди