Ўзбекистон МТЖнинг расмий учрашувлари саналари эълон қилинди
Осиё Футбол Конфедерацияси "Жаҳон чемпионати-2022" ва "Осиё кубоги-2023" қўшма саралаш босқичининг қолдирилган учрашувлари санасини маълум қилди. Бу ҳақда ЎФА матбуот хизмати хабар тарқатмоқда.
 
Ўзбекистон Футбол Ассоциациясига юборилган расмий хатга кўра, саралаш ўйинлари 8 октябрдан қайта старт берилади ва 17-ноябрь куни 2-босқич баҳсларига якун ясалади.

7-турни дам олиш сифатида ўтказиб юборадиган Ўзбекистон миллий терма жамоаси саралашдаги ўз юришини 13 октябрь куни Яманга қарши баҳс билан давом эттиради.
Миллий жамоамиз 12-ноябрь куни ўз майдонида Сингапурни қабул қилса, 17-ноябрда бўлиб ўтадиган сўнгги тур баҳсида Саудия Арабистони меҳмони бўлади.


7-тур, 8-октябрь
Саудия Арабистони - Яман
Фаластин - Сингапур

8-тур, 13-октябрь
Сингапур - Саудия Арабистони
Яман - Ўзбекистон

9-тур, 12-ноябрь
Ўзбекистон - Сингапур
Саудия Арабистони - Фаластин

10-тур, 17-ноябрь
Фаластин – Яман
Саудия Арабистони - Ўзбекистон
 
Матнда хатолик топсангиз, ўша хатони белгилаб, бизга жўнатинг (Ctrl + Enter)