Ўзбекистон ўсмирлар терма жамоаси ўқув-машғулот йиғини олиб бормоқда (Фотогалерея)

U16 Ўзбекистон терма жамоаси Баҳрайнда ўтадиган Осиё чемпионатига тайёргарлик жараёнини “Чиғатой” базасида давом эттирмоқда.

25 нафар футболчидан иборат ўсмирлар жамоаси йиғин аввалидан тиббий кўрикдан ўтказилди. Кўрик натижаларига кўра, барча футболчилар соғлом, деб топилди ва машғулотларга рухсат берилди.

Олим Шокиров мураббийлиги остидаги терма жамоамизнинг ҳафта аввалида бошланган йиғин 30 августга қадар давом этади.

Эслатиб ўтамиз, U16 Ўзбекистон терма жамоаси Осиё чемпионатида Жанубий Корея, Aвстралия ва Ҳиндистон жамоалари билан биргаликда "C" гуруҳидан жой олади.