Ўзбекистон ўсмирлар терма жамоаси россиялик тенгдошлари билан дуранг ўйнади

Бугун Ўзбекистон U17 терма жамоаси Россия U17 терма жамоасига қарши ўртоқлик учрашуви ўтказди. Қизиқарли ва голларга бой ўтган беллашувда томонлар 2:2 ҳисобида дуранг ўйнашди.

Ўйиндаги ҳисоб меҳмонлар томонидан очилди. 35-дақиқада Андрей Ивлев томонидан очилди. Иккинчи таймнинг 56-дақиқасида Даврон Усмонов ҳисобни тенглаштирди. Орадан бироз вақт ўтиб, Артём Кореев россияликларни яна ҳисобда олдинга олиб чиқди. 76-дақиқада эса Даврон Усмонов гол уриб, мувозанатни яна тиклади ва ўзининг дублини нишонлади.

Ўйиннинг қолган дақиқалари ҳам кескин курашларга бой бўлди, бироқ таблодаги натижа ўзгармади.

Ўзбекистон - Россия 2:2
Голлар: Андрей Ивлев 35, Даврон Усмонов 56, Артём Корнеев 68, Даврон Усмонов 76.