Ўзбекистон Суперлигаси. "Пахтакор" марказий ўйинда ғалаба қозониб, пешқадамликни қўлга олди

Ўзбекистон Суперлигаси 24-туридан ўрин олган "Пахтакор" - "Сўғдиёна" учрашуви ниҳоясига етди. Унда мезбонлар 2:0 ҳисобида зафар қучди.

"Шерлар" сафида икки голни Ҳамдамов ва Алижонов киритди. Бу голлар Шацких жамоасига муҳим ғалабани тақдим этди.

Шу тариқа, "Пахтакор" очколари сонини 48 тага етказиб олди. Жамоа айни пайт 1-поғонадан жой эгаллаган.

"Сўғдиёна" ҳисобида 33 очко мавжуд бўлиб, клуб 6-поғонани банд этган.

• 90+3'
  

  Учрашув якунланди. "Пахтакор" - "Сўғдиёна" - 2:0.

• 90'
  

  Иккинчи бўлимга 3 дақиқа вақт қўшиб берилди.

• 88'
  

  Собирхўжаев ўрнига Ўринбоев ўйинни якунлаб қўяди.

• 84'
  

  Ҳамробеков ўрнига Алибоев майдонга туширилди.

• 78 '

  Жамоалар навбат билан тўп назоратига эгалик қилмоқда.

• 74'
  

  Алижонов огоҳлантирилди.

• 72'

  Хасановга нисбатан ўйин қоидаси бузилди.

• 68'
  

  "Пахтакор" таркибида мажбурий ўзгариш. Азмиддинов ўрнига Насонов тушди. Унга жароҳат етказилди. 

• 67'

  "Сўғдиёна"нинг ҳужуми ноаниқ пас сабаб бесамар кетди.

• 64'
  

  Сайфиевга тиббий ёрдам керак.

• 61'
  

  Митрович майдон эгаларининг навбатдаги ҳужумини бартараф этди.

• 59'
  

  Меҳмонлар сафида яна ўзгариш. Норхонор ўз ўрнини Самандар Мавлонқуловга бўшатиб берди.

• 56'
  

  "Сўғдиёна" таркибида ўзгариш. Лука Чермел ўрнига Хислат Ҳалилов майдонга туширилди.

• 54'

  "Пахтакор" ўйинни яхши назорат қилмоқда.

• 51'

  "Сўғдиёна"нинг ҳужумларига аниқлик ва кескинлик етишмаяпти.

• 48'
  

  ГООООООООЛ! Алижоновнинг зарбасидан сўнг тўп рақиб ҳимоячиларига тегиб, дарвоза тўридан жой олди.

• 46'
  

  Иккинчи таймга старт берилди.

• 45+2'
  

  Биринчи тайм якунланди. Ҳозирча "Пахтакор" 1:0 ҳисобида "Сўғдиёна"ни мағлуб этмоқда.

• 45'
  

  Биринчи бўлимга 2 дақиқа вақт қўшиб берилди.

• 45'

  Чераннинг зарбасига бироз аниқлик етишмади.

• 42'
  

  Турғунбоевга сариқ карточка кўрсатилди.

• 40'

  Хасановнинг жарима зарбасидан амалга оширган узатмасидан сўнг тўпни Суюнов эгаллаб олди.

• 38'

  Сайфиев Денисовга нисбатан ўйин қоидасини бузди.

• 36'

  Жамоалар ҳозирча катта таваккалга қўл урмоқчи эмас. Ўйин темпини юқори, деб бўлмайди.

• 33'

  Сайфиев жуда қулай имкониятдан фойдалана олмади. Унинг зарбаси дарвоза тўсини тепасидан ўтиб кетди.

• 31'
  

  Азмиддиновга тиббий ёрдам кўрсатиляпти.

• 28'

  Жасур Хасанов жарима майдончаси ичига узатган тўпини дарвозабон ушлаб олди.

• 27'

  Мезбонлар тўпни ўзида назорат қиляпти.

• 24'

  Футболчилар кўплаб кичик хатоларга йўл қўймоқда.

• 21'

  Меҳмонларнинг қанотдан ташкил этган ҳужуми ноаниқ пас сабаб якунига етмай қолди.

• 19'

  Виталий Денисов тўғри жой танлагани эвазига рақибнинг ҳужумини тўхтатиб қолди.

• 17'

  "Шерлар" ҳимояда яхши ҳаракат қилмоқда.

• 15'

  "Бўрилар" ҳисобни тенглаштириш мақсадида олдинга ўтмоқда.

• 12'

  Тўп учун майдонда кескин кураш кечмоқда.

• 10'

  Жиззахликлар тўп назоратига эгалик қилмоқда.

• 7'

  Турғунбоев томонидан тепилган тўпни Митрович қайтариб юборди.

• 4'
  

  ГООООООООЛ! Учрашувда ҳисоб очилди. Достон Ҳамдамов жарима майдончаси ташқарисидан супер гол уриб, "Пахтакор"ни ҳисобда олдинга олиб чиқди.

• 1'
  

  Учрашувга старт берилди.

• *'

  Жамоалар майдонга чиқиб келди.