O‘zbekiston terma jamoasi tarkibida o‘zgarish bo‘ldi

O‘zbekiston milliy terma jamoasi himoyachisi Hojiakbar Alijonov jarohati bilan bog‘liq jarrohlik amaliyoti sabab bu galgi yig‘inda ishtirok etolmasligi ma’lum bo‘ldi. Uning o‘rniga yig‘inga “Olimpik” himoyachisi Saidazamat Mirsaidov jalb etildi.

Eslatib o‘tamiz, terma jamoamizning  mashg‘ulotlari bugundan boshlanadi. Vakillarimiz 16 noyabr kuni Qozog‘istonga, 20 noyabr kuni esa Rossiyaga qarshi o‘rtoqlik uchrashuv o‘tkazadi.