O‘zbekiston terma jamoasining "JCh-2026" saralashidagi navbatdagi o‘yini qachon?

"JCh-2026" saralashi uchinchi bosqichining 6-turidan doirasidagi KXDR hamda O‘zbekiston terma jamoalari kuch sinashdi. 

Laosda bo‘lib o‘tgan mazkur bahsda hamyurtlarimiz minimal 0:1 hisobidagi g‘alabani qo‘lga kiritdi.

Bellashuvdagi yagona golga Abbosbek Fayzullaev 44-daqiqada mualliflik qildi. 83-daqiqada Umar Eshmurodov qo‘l bilan o‘ynagani uchun qizil kartochka bilan jazolandi va darvozamiz tomon penalti belgilandi.  Posbonimiz O‘tkir Yusupov esa mazkur 11 metrlik zarbada ajoyib seyv amalga oshirdi.

Shu tariqa, futbolchilarimiz muhim 3 ochkoni qo‘lga kiritdi va ochkolar sonini 13taga etkazib qo‘ydi.

Ta’kidlash kerak, O‘zbekiston terma jamoasining navbatdagi o‘yini 4 oydan so‘ng, aniqrog‘i, 2025 yilning 20 martida o‘tkaziladi.