Ўзбекистон терма жамоасининг собиқ мураббийи энди БАА термасида ишлайди (ФОТО)

Бундан бир неча кун олдин Бирлашган Араб Амирликлари терма жамоасига колумбиялик мутахассис Хорхе Пинто бош мураббий этиб тайинлангани ҳақида хабар берган эдик.

Қизиғи шундаки, 67 ёшли мутахассис БАА термасига Ўзбекистон терма жамоаси собиқ бош мураббийи Эктор Купернинг жисмоний тайёргарлик бўйича ёрдамчиси Маҳмуд Фаёзни таклиф қилган. Энди Фаёз БАА терма жамоасида Пинтога ассистентлик қилади.

Эслатиб ўтамиз, Фаёз Купер билан бирга Ўзбекистондан ташқари Миср терма жамоасида ҳам фаолият олиб борган.