Ўзбекистон Тожикистонга ҳам 5 та гол урди

Футзал бўйича Осиё Кубоги саралаш босқичи доирасидаги Ўзбекистон - Тожикистон учрашуви якунига етди. Унда ҳамюртларимиз 5:2 ҳисобида зафар қучди.

Вакилларимиз таркибида Даврон Чориев дубль қайд этди. Шунингдек, Ҳусниддин Нишонов, Акбар Усмонов ҳамда Дилшод Раҳматов ўз номини таблога ёздириб қўйди. Қўшниларимиз сафида Дилшод Саломов ҳамда Файзали Сардоров термамиз дарвозасини ишғол қилди. 

Эслатиб ўтамиз, Баҳодир Аҳмедов бошчилигидаги футзалчиларимиз бир тур аввал Осиё кубоги йўлланмасини қўлга киритиб улгурганди. 

Қайд этиш лозим, бунга қадар термамиз Афғонистон ҳамда Непал терма жамоалари билан куч синашиб, иккисида ҳам бир хил 5:1 ҳисобида ғалаба қозонганди.