Ўзбекистон У-16 терма жамоаси эртага Хитой Тайпейи билан ўйнайди

Ўзбекистон У-16 терма жамоаси айни кунларда 2025 йилги У-17 Осиё кубоги саралаш босқичида иштирок этаётганидан хабарингиз бор. 

Ислом Исмоилов бошқарувидаги жамоамиз 2-тур учрашувини эртага, 25 октябр куни “Фу Жен” стадионида Хитой Тайпейи терма жамоасига қарши ўтказади.

Эслатиб ўтамиз, “Э” гуруҳи баҳсларига Хитой Тайпейи мамлакати мезбонлик қилмоқда. Саралаш натижаларига кўра, 10 та гуруҳ ғолиби ва гуруҳда иккинчи ўринни эгаллаган энг яхши 5 жамоа 2025 йилнинг 3–20-апрель кунлари Саудия Арабистонида ўтказиладиган қитъа мусобақасининг финал босқичига йўл олади.