Ўзбекистон U20 Тошкентда Жанубий Корея U20 терма жамоасига имкониятни бой берди

Ўзбекистон U20 терма жамоаси Тошкентдаги "Жар" стадионида кореялик тенгдошларишга қарши ўртоқлик учрашуви ўтказди. Қизиқарли ва голларга бой ўтган баҳсда вакилларимиз 2:3 ҳисобида имкониятни бой берди.

Учрашувнинг 1-дақиқасида ҳисобни очган терма жамоамиз, 11-дақиқада ўз дарвозасидан тўп олиб чиқишга мажбур бўлди. Биринчи тайм охирроғида эса Пўлатхўжа Холдорхонов Ўзбекистонни яна бир бор ҳисобда олдинга олиб чиқди. 

Аммо иккинчи тайм сўнггида, аниқроғи 85 ва 90+5-дақиқаларда Жанубий Корея ёшлари икки бор терма жамоамиз дарвозасини ишғол қилди ҳамда иродали ғалабани қўлга киритди.

Ўзбекистон U20 — Жанубий Корея U20 2:3

Голлар: Пўлатхўжа Холдорхонов 1, Ли Жунсанг 11, Пўлатхўжа Холдорхонов 45+2, Ли Ёнгжун 85, Бае Жунҳо 90+5.