Ўзбекистонга қарши учрашув Тареми учун тарихий бўлди

Хабарингиз бор, 8 сентябрь куни "Олимпия" стадионида "CAFA Nations Cup-2025" финали бўлиб ўтди. Унда Ўзбекистон терма жамоаси Эрон билан баҳс олиб борди.  Асосий дақиқаларда ғолиб аниқланмагач, экстра бўлимларга мурожаат этилди. Қўшимча бўлимларда "оқ бўрилар" Ҳожиакбар Алижоновнинг голи эвазига ғалабани илиб кетди.

Мазкур ўйин Меҳди Тареми учун Эрон терма жамоаси сафидаги 100-учрашув бўлди. 33 ёшли форвард мана шу учрашувларда 57 бора гол киритишни уддалаган. 

Эслатиб ўтамиз, Тареми бир неча кун аввал  Грециянинг "Олимпиакос" клуби футболчисига айланганди. Эронлик футболчи ўтган мавсумни "Интер"да ўтказди.