Ўзбекистонлик ҳакамлар Россиянинг ўйинини бошқаради

Ўзбекистонлик ФИФА рефериси Ильгиз Танташев 19 март куни Москва шаҳрида Россия ва Гренада терма жамоалари ўртасидаги ўртоқлик учрашувини бошқаради.

Бу ҳақда Россия футбол иттифоқи расмий сайти хабар берди.

- Россия ва Гренада терма жамоалари ўртасидаги ўртоқлик учрашувини Ўзбекистон ҳакамлар бригадаси бошқаради.

Учрашувнинг бош ҳаками сифатида Осиё футбол конфедерациясининг энг обрўли арбитрлари қаторида эътироф этиладиган Ильгиз Танташев тайинланган. Унга ҳамюртлари – ФИФА ассистентлари Андрей Цапенко ва  Тимур Гайнуллин ёрдам беради.

Захира ҳаками вазифасини россиялик Евгений Кукуляк бажаради, - дейилади Россия футбол иттифоқи расмий сайтида эълон қилинган хабарда.