Ўзбекистонлик "Оқ Тайсон"нинг танлови қандай бўлди. Майк Тайсон ёки Леннокс Льюис?

Sports.uz сайтида ранг-баранглик давом этади. Биз навбатдаги “ЖАНГ” лойиҳани бошладик. “Жанг” лойиҳасида яккакураш оламининг ўтмишдаги юлдузларининг ўзаро виртуал баҳсини кузатамиз. Албатта, ўзбек яккакураш олами вакилларининг фикри асосида. Демак, илк “легенда”ларимиз Майк Тайсон ҳамда Леннокс Льюис бўлади.
Айнан икки афсоналарнинг қай бири кучли, деган саволлар билан боксимиз оламининг номдор вакилларидан сўровнома ўтказишни бошладик. Дастлаб, ўзимизнинг “Оқ Тайсон” Руслан Чагаевга мурожаат қилдик.

- Барча ватандошларимга Ассалому алайкум деб қоламан. Бу иккиси ҳақида сўз юритадиган бўлсак, танлов жуда қийин бўлади. Жуда ҳам кучли боксчи бўлганликларини барча яхши билади. Тўғриси мен бу борада холис фикр билдира олмайман. Чунки, мен боксни айнан Майк Тайсон туфайли, унинг жангларига ҳавас қилган ҳолда бошлаганман. Албатта, у қайсидир маънода мени кумирим бўлган. Шунинг учун холис бўла олмайман. Шундай экан, табиийки мен Майк Тайсонни танлаган бўлардим!