Ўзбекистонлик спортчилар 44-шахмат Олимпиадасида иштирок этиш учун Ҳиндистонга йўл олди
Ўзбекистон шахмат федерацияси президенти Алишер Саъдуллаев делегация аъзолари билан учрашди ва уларга омад тилади.
44-шахмат Олимпиадаси FIDE томонидан ташкил этилган бўлиб, унда очиқ ва аёллар ўртасидаги турнирлар ҳамда шахматни оммалаштиришга қаратилган бир қанча тадбирлар ўтказилади.
Умуман олганда Жаҳон шахмат олимпиадасида рекорд даражадаги жамоалар иштирок этади — 188 нафар эркак ва 162 нафар аёл шахматчи.
44-Бутунжаҳон шахмат олимпиадасида иштирок этадиган терма жамоамиз таркиби билан танишинг:
Эркаклар:
GM Нодирбек Абдусатторов (2004 йили туғилган),
GM Нодирбек Ёқуббоев (2002),
GM Жавоҳир Синдоров (2005),
GM Жаҳонгир Воҳидов (1995),
GM Шамсиддин Воҳидов (2002).
Аёллар:
WGM Нилуфар Ёқуббоева (2000),
WFM Умида Омонова (2006),
WCM Афрўза Ҳамдамова (2009),
WFM Мафтуна Бобомуродова (2006),
Маржона Маликова (2002).
Делегацияга Ўзбекистон шахмат федерацияси раисининг биринчи ўринбосари, А тоифали халқаро ҳакам Хусан Турдиалиев раҳбарлик қилмоқда.
Маълумот учун, 45-Бутунжаҳон шахмат олимпиадаси 2024 йил Венгрия пойтахти Будапешт шаҳрида ўтказилади. 2026 йил ўтказиладиган 46-Бутунжаҳон шахмат олимпиадаси мезбонлиги учун Ўзбекистон ҳам даъвогарлик қилмоқда.
Спортни ривожлантириш вазирлиги матбуот хизмати
Фикрлар