Ўзбекистонлик сузувчида допинг аниқланди. У 2 йилга дисквалификация қилинди ва жаримага тортилди

Халқаро сузиш федерациясининг (FINA) хабарига кўра, ўзбекистонлик сузувчи Б.Менлибаеванинг 2019 йил 25 сентябрда Бенгалорда (Ҳиндистон) бўлиб ўтган Осиё Чемпионатида олинган допинг синамасида тақиқланган модда аниқланган (S6. Стимуляторлар). Бу "Токио-2020"да иштирок этиш учун лицензион мусобақа ҳисобланар эди. Шу муносабат билан, FINA тартиб-интизом комиссияси қуйидагича қарор чиқарди:

1. Б.Менлибаева 2 йилга дисквалификация қилинсин, дисквалификация муддати 25.09.2019 дан бошлаб ҳисоблансин;

2. 25.09.2019 дан бошлаб, Б.Менлибаеванинг барча натижалари бекор қилинсин;

3. Ўзбекистон сузиш федерацияси томонидан FINA Ахлоқ комиссиясининг мазкур ишни кўриб чиқиш билан боғлиқ харажатлари (400 АҚШ доллари) тўлансин. 

Матнда хатолик топсангиз, ўша хатони белгилаб, бизга жўнатинг (Ctrl + Enter)