Ўзил туфайли “Арсенал” иккига бўлиниб кетди

“Арсенал” ярим ҳимоячиси Месут Ўзил жамоа таркибидан чиқарилиши туфайли футболчилар икки гуруҳга бўлиниб кетди.

Жамоадаги мавқеи баланд футболчиларнинг аксарияти Ўзилни таркибга қайтаришни талаб қилмоқда. Улар бу футболчи жамоа ўйинини кучайтиришига ишонч билдиряпти.

Бош мураббий Микель Артета эса германиялик футболчи унга берилган имкониятлардан фойдалана олмаганини таъкидлаб, фикридан қайтмаслигини билдиряпти. Айрим ўйинчилар бош мураббийнинг позициясини маъқуллаяпти.

32 ёшли Месут Ўзилнинг шартномаси ёзда якунланади. “Арсенал”нинг энг кўп маош олаётган футболчиларидан ҳисобланган германиялик футболчи 2020 йилнинг март ойидан бери майдонга туширилмаяпти.