Ўзилнинг агенти: Месут "Арсенал"ни ва мухлисларни яхши кўради

“Арсенал” хавбеки Месут Ўзилнинг агенти Эркут Согут мижозининг “канонирлар” сафида ўйнаш истаги борлиги ҳақида гапирди.

“Ҳозир қийин вазият. Лекин Месут “Арсенал”ни ва мухлисларни яхши кўради. У жорий мавсумда унга имконият берилмаётганидан афсусланмоқда. Жамоа мухлислари Ўзил яна майдонга қайтишини хоҳлайди, деб ўйлайман. Ҳозир у қаттиқ шуғулланмоқда. Бу унинг профессионаллигидан далолатдир”, - деди агент.

Эслатиб ўтамиз, Ўзил жорий мавсум “Арсенал” қайдномасига киритилмади. Унинг клуб билан амалдаги шартномаси 2021 йилнинг ёзига қадар имзоланган.