Пара каноэ. Иккала спортчимиз ҳам финал йўлланмасини қўлга киритди!

Канаданинг Галифакс шаҳрида давом этаётган пара каноэ бўйича жаҳон чемпионатининг дастлабки куни ҳамюртларимиз учун муваффақиятли кечди.

Жумладан, аёллар ўртасида VL3 классида ярим финалда иштирок этган Мухлиса Эшмирзаева 01:08,91 дақиқа вақт билан маррага биринчи бўлиб етиб келди ва финал йўлланмасини қўлга киритди. Эркаклар ўртасида KL3 классида ярим финалда қатнашган Ҳасан Қўлдошев эса 43,78 сония натижа билан иккинчи ўринни эгаллади ва у ҳам финалда иштирок этиш ҳуқуқини қўлга киритди.

Ушбу спортчиларимиз иштирокидаги финал баҳси 5 август куни Тошкент вақти билан соат 19:44 да бошланади.