Пара сузувчиларимиз жаҳон чемпионатида қатнашиш учун Лондонга учиб кетишди

Жорий йилнинг 9-15 сентябрь кунлари Лондон шаҳрида пара сузиш бўйича жаҳон чемпионати бўлиб ўтади. Ушбу мусобақада дунёнинг 60 дан ортиқ мамлакатидан 600 га яқин спортчи иштирок этади. Таъкидлаш керакки, ушбу жаҳон чемпионати келгуси йил Токиода бўлиб ўтадиган Паралимпия ўйинларига лицензия беради.

Пара сузувчиларимиз ўтган ой жаҳон чемпионатига муносиб тайёргарлик кўриш мақсадида Белорусиянинг Брест шахрида ўқув-машғулот йиғинини ўтказиб қайтишгани ҳақида хабар берган эдик. Ушбу 1 ойлик ўқув-машғулот йиғини давомида терма жамоамиз аъзолари хорижлик рақиблари билан тажриба алмашиш имкониятига эга бўлдилар.

Лондондаги мусобақага қуйидаги пара сузувчиларимиз йўл олишди:

1. Шохсанам Тошпўлатова
2. Музаффар Турсунхўжаев
3. Нигора Мирзохидова
4. Фирдавс Мусабеков
5. Кирил Панков
6. Дмитри Хорлин
7. Ислом Асланов.

Спортчиларимизга ўз олдиларига қўйилган вазифани муносиб бажаришларида омад тилаб қоламиз.