Пара таэквондо: Европа очиқ чемпионатида олтин ва кумуш медаллар қўлга киритилди

Айни кунларда Англиянинг Манчестер шаҳрида пара таэквондо бўйича Европа очиқ чемпионати бўлиб ўтмоқда.

Қувонарлиси, аёллар ўртасида +65 кг вазн тоифасида ҳамюртимиз Гулжаной Наимова Туркия, Сербия ва Испания вакилларини мағлубиятга учратган ҳолда олтин медалга сазовор бўлди.

Эркаклар ўртасида -80 кг вазн тоифасида Туркия, Сербия ва Буюк Британия вакилларига қарши баҳс олиб борган ҳамюртимиз Асадбек Тоштемиров якунда делегациямиз ҳисобига кумуш медални ёздириб қўйишга эришди.

Таъкидлаш лозимки, Гулжаной ушбу ғалабадан сўнг Париж-2024 ёзги Паралимпия ўйинларига 20 рейтинг очкосини ўз ҳисобига ёздириб қўйган бўлса, Асадбек 15 рейтинг очкосига эга бўлди.