Париж-2024 га илк лицензияни паралимпиячи қўлга киритди!

Жорий йилнинг 4-12 июнь кунлари Франциянинг Шатору шаҳрида пара ўқ отиш бўйича ўтказилган Жаҳон кубогида юртимиз шарафини ҳимоя қилган Сервер Ибрагимов эркаклар ўртасида 50 метрга тўппончадан отиш бўйича баҳсларда 200.7 очко жамғарган ҳолда бронза медалига, 10 метрга пневматик тўппончадан отиш бўйича баҳсларда эса 217.1 очко жамғариб кумуш медалга сазовор бўлди.

Таъкидлаш керакки, Сервер Ибрагимов ушбу натижаси билан делегациямиз ҳисобига 2 та медални ёздириб қўйиш билан бир қаторда, 2024 йил Парижда бўладиган XVII ёзги Паралимпия ўйинларига тўғридан-тўғри лицензияни ҳам қўлга киритди.

Эътиборлиси, айнан Сервер Ибрагимов Париж-2024га лицензия қўлга киритган илк ўзбекистонлик спортчига айланди.

Маълумот учун, Сервер Ибрагимов пара ўқ отиш бўйича бир неча бор Жаҳон ва Осиё чемпионатлари совриндори, шунингдек Рио-2016 ёзги Паралимпия ўйинлари бронза медали соҳиби ҳисобланади.

Фикрлар

Саралаш
Фикр қолдириш учун авторизациядан ўтинг!
Ffssdgg Vtrdfg
13/06/2022 22:36
Сервер братан тебе удачи на олимпияде желаю па болше медалов чтобы Узбекистанское флаг поднялсья выше и выше 1 место желаю.
Жавоб ёзиш