"Пахтакор" — "Машъал": Статистикада тўлиқ устунлик тошкентликларда

Суперлиганинг навбатдаги туридан ўрин олган "Пахтакор" — "Машъал" баҳси олдидан жамоаларнинг ўзаро учрашувлари статистикасига назар ташласак, устунлик тўлиқ мезбонлар томонида.

Шу кунга қадар томонлар 40 марта ўзаро тўқнаш келган. Уларнинг 29 тасида "Пахтакор" ғалаба қозонган бўлса, "Машъал" фақат 5 учрашувда зафар қучган. Яна 6 баҳс дуранг билан якунланган.

Тўплар нисбати ҳам яққол "шерлар" фойдасига — 82:25. Энг йирик ғалаба сифатида "Пахтакор"нинг 5:0 ҳисобидаги устунлиги қайд этилган. "Машъал"нинг энг яхши натижаси эса 3:0 ҳисобидаги ғалаба бўлиб қолмоқда.

Эътиборлиси, муборакликлар "Пахтакор"ни сўнгги марта 2017 йилда мағлубиятга учратган эди. Бу эса бўлажак учрашувга янада қизиқиш уйғотади.

Навбатдаги баҳс "Пахтакор" стадионида соат 19:00'да старт олади. Икки жамоа ҳам муҳим очколар учун майдонга тушиши кутилмоқда.