"Пахтакор" Машарипов бўйича Қатар клубларидан расмий таклиф олди
Қатар майдонларида ўтказилаётган Осиё Чемпионлар лигаси мусобақасида “Пахтакор” Эроннинг “Истиқлол” клубини ортда қолдириб чорак финалга йўл олганидан барчамиз қувондик.
Эътиборлиси, “Пахтакор” футболчилари ўз ўйинлари билан хорижлик скаутларнинг эътиборини тортмоқда. Жумладан, жамоанинг асосий футболчиларидан бири Жалолиддин Машариповга Қатарнинг иккита етакчи жамоасидан расмий таклиф тушди. Бу ҳақида “Пахтакор” спорт директори Жаъфар Ирисметов sports.uz сайтига маълум қилди.
Ҳозирча, айнан қайси жамоалардан таклиф бўлганлиги сир тутилмоқда. Аммо музокаралар бошланган. Катта эҳтимол билан Осиё Чемпионлар лигаси мусобақасидан сўнг, Машариповнинг тақдирига ойдинлик киритилади.
Тез орада sports.uz сайтида Ирисметов билан уюштирилган суҳбатни ўқишингиз мумкин.
Фикрлар