"Пахтакор" Ўзбекистондаги биринчи жамоа!

"Пахтакор" жамоаси бирин-кетин турли рекордларни қўйишда давом этмоқда.

Ўзбекистон Суперкубогида ғалаба қозониш орқали "шерлар" юртимиздаги барча мусобақаларда зафар қучган биринчи жамоага айланди. Бу ҳақда клуб матбуот хизмати хабар берди.

Эндиликда "Пахтакор" ҳисобида 13 тадан чемпионлик ва кубок, биттадан лига кубоги ва Суперкубок совринлари бор. Ички турнирларда 28 та совринга эга чиққан пойтахтликлар бу борада ҳам рекордчи саналади.

Эслатиб ўтамиз, 2019 йил "Пахтакор" Ўзбекистонда требл қайд этган биринчи жамоага айланганди.