"Paxtakor" O‘zbekistondagi birinchi jamoa!

"Paxtakor" jamoasi birin-ketin turli rekordlarni qo‘yishda davom etmoqda.

O‘zbekiston Superkubogida g‘alaba qozonish orqali "sherlar" yurtimizdagi barcha musobaqalarda zafar quchgan birinchi jamoaga aylandi. Bu haqda klub matbuot xizmati xabar berdi.

Endilikda "Paxtakor" hisobida 13 tadan chempionlik va kubok, bittadan liga kubogi va Superkubok sovrinlari bor. Ichki turnirlarda 28 ta sovringa ega chiqqan poytaxtliklar bu borada ham rekordchi sanaladi.

Eslatib o‘tamiz, 2019 yil "Paxtakor" O‘zbekistonda trebl qayd etgan birinchi jamoaga aylangandi.