"Пахтакор" "Қўқон-1912"га имконият қолдирмади, "Андижон" эса рақамларда устунлик қилган баҳсда ютқазди

Суперлиганинг 2-тур ўйинлари старт олди. Илк учрашувларда "Қўқон-1912" ўз уйида "Пахтакор"га имкониятни бой берган бўлса, "Қизилқум" ўтган турда йирик ҳисобда ғалаба қозонган "Андижон"ни таслим қилди.

"Қўқон-1912" — "Пахтакор" 1:2

"Пахтакор" иккинчи турда ҳам ғалаба қозонишни уддалади. Бу сафар жамоа "Қўқон-1912"ни 2:1 ҳисобида мағлуб этди. Меҳмонлар статистикада устунлик қилди. Масалан, голли имкониятлар бўйича "шерлар"да 2.18 xG қайд этилган бўлса, қўқонликларда бу кўрсаткич 0.80 ни ташкил қилди.

Тўп назорати ҳам тошкентликларда бўлди — 56 фоиз. Мезбонларда эса 44 фоиз. Паслар аниқлигида Камолиддин Тожиев шогирдлари яхшироқ ҳаракат қилди — 82 фоиз. Андрей Шипилов бошчилигидаги жамоада эса бу кўрсаткич 78 фоизни ташкил этди.

Зарбалар сонида ҳам "Пахтакор" етакчи — 16 та зарба (4 таси аниқ). "Қўқон-1912" эса 3 та зарба йўллаган ва уларнинг барчаси аниқ бўлган.

"Пахтакор":
Қоидабузарликлар — 6 та
Калит паслар — 12 та
Бурчак зарбалари — 6 та
Офсайд — 1 та

"Қўқон-1912":
Қоидабузарликлар — 9 та
Калит паслар — 0 та
Бурчак зарбалари — 1 та
Офсайд — 1 та

"Қизилқум" — "Андижон" 2:1

"Қизилқум" "Андижон"ни 2:1 ҳисобида мағлуб этиб, мавсумдаги илк 3 очкосини қўлга киритди. Аммо статистикада "бургутлар" устунлик қилгани кўринди.

Жумладан, "Андижон"нинг кутилган голлар (xG) кўрсаткичи 0.53 ни ташкил этган бўлса, навоийликларда бу рақам 0.42 бўлди. Тўп назоратида ҳам Самвел Бабаян шогирдлари фаолроқ бўлиб, 57 фоизни ўз ҳисобига ёздирди (рақибда — 43 фоиз).

Зарбаларни кўпроқ йўллаган ҳам андижонликлар — 11 та, бироқ улардан фақат 2 таси аниқ бўлди. Акмал Рустамов шогирдлари эса 8 та зарба бериб, 2 тасини голга айлантирди. Реализация — 100 фоиз.

"Қизилқум":
Паслар аниқлиги — 72 фоиз
Қоидабузарликлар — 17 та
Калит паслар — 5 та
Бурчак зарбалари — 0 та
Офсайд — 2 та

"Андижон":
Паслар аниқлиги — 79 фоиз
Қоидабузарликлар — 16 та
Калит паслар — 7 та
Бурчак зарбалари — 4 та
Офсайд — 2 та