"Пахтакор" Сергеевнинг голи эвазига ғалаба қозонди

Туркиянинг Анталия шаҳрида ўқув-машғулот йиғинини ўтказаётган "Пахтакор" навбатдаги ўртоқлик ўйинида Қозоғистоннинг "Актобе" жамоаси билан баҳс олиб борди.

Мазкур беллашувда "шерлар" кичик 1:0 ҳисобидаги ғалабани қўлга киритди.

Учрашувдаги ягона гол 52-дақиқада киритилди. Игор Сергеев жамоа фойдасига белгиланган пенальтидан унумли фойдаланди.

Маълумот учун, ушбу баҳс "Пахтакор"нинг Анталиядаги йиғин доирасида еттинчи ўртоқлик ўйини бўлди.