"Пахтакор" Суперлига тўпурарларидан бирига қизиқмоқда

Суперлигада-2023 охирлаб қолди. Яна 2 турдан сўнг ўзбек футболида мавсум якунланади. 

Бу орада жамоалар таркибни кучайтириш учун ўзлари кўзлаб қўйган футболчиларга алоқага чиқишни бошлаб юборган.

SPORTS.uz сайтига маълум бўлишича, "Пахтакор" Суперлигада тўпурарлик қилаётган Рубин Хебайга қизиқиш билдирмоқда. "Шерлар" трансферлар мавсумида музокаралар олиб бормоқчи.

Қолаверса, тошкентликлар таркибида катта ўзгаришлар бўлиши кутилмоқда. "Пахтакор" Черан билан бирга тўпурарлар пойгасида қўшҳокимликни юзага келтирган Хебайнинг хизматларига эҳтиёж сезмоқда. Айни пайт улар ҳисобида 12 тадан гол мавжуд.